Zona Colonial

Laurdag 2.oktober stakk eg til gamlebyen i Santo Domingo. Dette er den fyrste byen i den nye verda, og ein finn mange spor etter Christopher Columbus (Christobal Colon).  Her er koselige små gater og parkar, mueseum og overprisa butikkar.

Historsiske bygningar er over alt, og eg fekk omlag 20 tilbod frå guidar som ville vise meg rundt. Eg takka meir eller mindre høflig nei, men kjem tilbake for omvising seinare! Fann ut at dersom eg snakka spansk med guidane var det enklare å få dei til å gi seg...men til slutt blei det heller uhøflig engelsk, sidan eg ikkje er så godt til å vere uhøflig på spansk enda.

Jugo de Chinola (pasjonsfruktjuice) slår aldri feil. Det var strålande sol og steikande varmt, og eg trengte nokre pust i bakken/skuggen.

Mange koselige gater, og plutselig dukkar det opp kirker og andre flotte bygningar.

Dette er frå Parque Colon. Columbus står på toppen, full i duer. Han peikar mot Hard Rock Cafe, og er omringa av turistar i tennissokkar i sandalar, lyse shortsar og caps. Den enklaste måten å skilje turistar frå ikkje-turistar er å sjå på kleda. Folk som kler seg som om det var omlag 15 grader bor her. Turistane kler seg som om det faktisk er 30 grader. 

Museo de las Casas Reales, tidligare kongelig hoff og den fyrste rettssalen i den nye verda. Inne i museet finn ein oversikt over historia til øya frå 1492 til 1821 (frigjering frå Haiti, etter den fyrste frigjeringa frå Spania). Inngong kostar 50 pesos (8kr). Eg betalte ein lokal guide 100 pesos (15 kr) for å vise meg rundt. Godt nøgd med bruken av dei kronene. Skulpturen i framgrunnen finn ein liknande av overalt her på øya. Det er visst ein lokal kunstnar som lagar dei.

Inne i hagen var der ein påfugl som vandra fritt!!!

Her er mykje dårlig kunst. Dette bildet derimot, det vil eg ha. Har fått namnet på kunstnaren og skal spore han opp. Han er visst ein kunststudent frå Haiti. 

JR vil ha denne.

I dag var vi turistar i turistområdet. Og då gjer ein som turistar skal. Syns det er flott at han har USA-caps.

JR kom og møtte meg etter jobb. Ein herlig dag! 

Panteon Nacional. Her ligg mange generalar gravlagt.

Huset til sonen til Columbus. Han bodde her på 1500-talet. 

Og vi poserar!

Turist i turistfella. How much for the ice cream?? Svar frå kelneren: not much! Ekte svar: meir enn ein vanlig middag. Men den var steike god! Og vi sat midt på Plaza Espana og såg på ein dansande ballongselgarar og ei statue av broren til Colombus. Vi såg det kome...

Når mørke senkar seg er det som regel på tide å gå heim, sjølv om klokka berre er rundt 7.  Dette av sikkerheitsgrunnar.

Dette gjeld sjølvsagt ikkje dei lokale.